တန်းတူရည်တူ မဟုတ်သည့် ရုရှား-မြန်မာ ဆက်ဆံ‌ရေး

ကချင်ပြည်နယ်တွင် လေကြောင်းမှ ဗုံးကြဲတိုက်ခိုက်ခဲ့မှုကြောင့် လူ ၈၀ နီးပါး သေဆုံးခဲ့ရမှုကို ကုလ အထူး သံတမန် နိုလင်း‌ဟေဇာ မှ ကုလ သမဂ္ဂ အထွေထွေ ညီလာခံ၏ လူ့အခွင့်အရေး ကော်မတီ ရှေ့မှောက်တွင် ရှုတ်ချ ပြောဆိုလိုက်ပြီး မြန်မာပြည်၏ လူ့အခွင့်အရေး နှင့် လူထုရင်ဆိုင်နေရသော အကျပ်အတည်းမှာ နက်ရှိုင်းသည်ထက် နက်ရှိုင်းလာနေပြီဖြစ်ကြောင်း အသိပေးခဲ့သည်။

နိုင်ငံတွင်းရှိ လူဦးရေ လေးပုံတပုံခန့် ရှိသော ပြည်သူ ၁၃.၂ သန်းသည် လုံလောက်သော အစာအဟာရ ချို့တဲ့မှုနှင့် ရင်ဆိုင်နေရသည့်အပြင် လူ ၁.၃ သန်းသည် အိုးအိမ်များ စွန့်ခွာ ထွက်ပြေးနေကြရသည်ဟု ဆိုသည်။ စစ်တပ်က ထင်သလို ဗုံးကြဲတိုက်ခိုက်မှုကိုလည်း ခံနေကြရပြီး အိမ်များ မီးရှို့၊ အရပ်သားများကို သတ်ဖြတ်မှုများ ဆက် လက် ကျူးလွန်နေသည်ဟုလည်း ပြောဆိုသွားခဲ့သည်။

မြန်မာပြည်သူတွေက စစ်တပ်အုပ်ချုပ်မှုကို လက်မခံတော့ကြောင်း ကုလအထူးကိုယ်စားလှယ် ပြော
ထို့အတွက် စစ်အုပ်ချုပ်ရေးကို မြန်မာပြည်သူများ မည်သို့မျှ လက်မခံနိုင်တော့သည့် နိုင်ငံရေး ပုံစံ သစ် တခုဆီ သို့ ကူးပြောင်းသွားပြီး ဖြစ်သည်ဟု အသိပေးသွားခဲ့သည်။

အာဆီယံ ဥက္ကဌ အဖြစ် တာဝန်ယူထားရဆဲ ဖြစ်သော ကမ္ဘောဒီယားမှ ဖားကန့်ဒေသအား ဗုံးကြဲတိုက်ခိုက်မှုကို ရည်ညွှန်းပြီး ထိုကဲ့သို့ အဖြစ်အပျက်များ နှင့် အတူ မြန်မာပြည်သူများ ကြီးစွာသော ဒုက္ခများ ဆက်လက် ခံစား နေရမှု အပေါ် လွန်စွာ စိတ်မကောင်း ဖြစ်ရကြောင်း ကြေညာချက် ထုတ်ပြန်လာခဲ့သည်။

မြန်မာပြည်ဆိုင်ရာ အရပ်ဖက် လူ့အဖွဲ့အစည်း ၄၅၇ ဖွဲ့မှ အာဆီယံ၏ မူ ငါးချက် ကို ဖျက်သိမ်းရန် အာဆီယံ ခေါင်းဆောင်များထံ အိတ်ဖွင့်ပေးစာ ပေးပို့ခဲ့သည်။

နိုင်ငံတကာ လူ့အခွင့်အရေး အဖွဲ့များကလည်း ဖားကန့်ဒေသအား ဗုံးကြဲတိုက်ခိုက်မှုသည် လူသားများအပေါ် ကျူးလွန်သည့် ရာဇဝတ်မှု မြောက်ပြီး နိုင်ငံတကာ ရာဇဝတ်မှုများ ဆိုင်ရာ တရားရုံး အိုင်စီစီသို့ အလျှင်အမြန် လွှဲပြောင်းပေးရန် ဝိုင်းဝန်း တောင်းဆိုခဲ့ကြသည်။

နယူးယောက်ရှိ လူ့အခွင့်အရေး လေ့လာ စောင့်ကြည့်ရေး အဖွဲ့ မှ မန်နီမောင်က ကုလလုံခြုံရေး ကောင်စီ အနေဖြင့် ယခုထက် ပို၍ အရေးယူပေးရန် တောင်းဆိုခဲ့ပြန်သည်။

သို့သော် မြန်မာသည် ကုလ တွင် ရုရှား တို့၏ အကာအကွယ်ရရန် လွန်စွာ ဈေးကြီးပေး၍ ရယူထားရသည် ဟု နယူးယောက်တိုင်း သတင်းစာက ဆောင်းပါးရှည်ကြီး ဖြင့် ရေးသားထားမှုကို ကောက်နှုတ်တင်ပြ သွားပါမည်။

မြန်မာဖက်မှ လောင်စာဆီများ၊ စစ်လက်နက် ပစ္စည်းများကို ရုရှားထံမှ အခကြေးငွေ များစွာပေး၍ ဝယ်ယူ နေရပြီး ရုရှား တို့ အတွက်လည်း လိုအပ်သော စစ်စရိတ်များ အတွက် တဖက်တလမ်းမှ ဝင်ငွေ ရရှိနေသည့် Unequal Partnership ပုံစံ ပူးပေါင်းနေရကြောင်း ရေးသားခဲ့သည်။

မင်းအောင်လှိုင် နှင့် ပူတင်သည် ဝါဒရေးရာအရ ဒီမိုကရေစီ ကို ဆန့်ကျင်ရာတွင် ပူးပေါင်းမိကြပြီး ယူကရိန်း အား ကျူးကျော်ခဲ့မှု အပေါ် “ရုရှားသည် ၎င်း၏ အချုပ်အခြာ အာဏာကို ထိန်းသိမ်းနိုင်ရန် လုပ်သင့်သည်ကို လုပ်သွား ခြင်း” ဖြစ်သည်ဟု ချက်ချင်းလို ထောက်ခံခဲ့သည်။ (ထိုသို့ပြောကြားခဲ့မှုကို အနောက်နိုင်ငံများက မည်သို့မျှ မေ့နိုင်ကြမည် မဟုတ်ပေ)

ထို့နောက်ပိုင်း တိုတောင်းသော ကာလအတွင်း ရုရှားသို့ မင်းအောင်လှိုင်သည် သုံးကြိမ်မျှ သွားရောက်ခဲ့ပြီး နောက်ဆုံးအကြိမ်တွင် သူမျှော်လင့်တောင့်တနေသော ပူတင်နှင့် တွေ့ခွင့်ရခဲ့သဖြင့် သံတမန်ရေးအရ အကြီးမားဆုံး အောင်ပန်း ဆင်နိုင်ခဲ့သည်။

ပူတင်အား “ရုရှားသည် အဆွေတော်၏ ဦးဆောင်မှု အောက်တွင် ထိပ်တန်း နိုင်ငံကြီး အဖြစ် ရောက်ရှိခဲ့ကြောင်း၊ ကမ္ဘာရေးရာများကို လည်း အဆွေတော်သည် သမာသမတ်ကျစွာ နှင့် မှန်ကန်စွာ ကိုင်တွယ်နိုင်ခဲ့ကြောင်း” များ ကိုထုတ်ဖေါ် ချီးကျူးခဲ့ပြန်သည်။

ထို့အတွက် မင်းအောင်လှိုင်သည် သူလိုချင်နေသည့် ရုရှား ရေနံ နှင့် နျူကလီးယားစွမ်းအင် ပူးပေါင်းရေး အပါ အဝင် ပူတင်၏ လေးစားမှုပါ ရရှိလာခဲ့သည်။ ကရင်မလင်မှ မင်းအောင်လှိုင်အား အခြားမည်သည့် နိုင်ငံကမျှ အသိအမှတ် မပြုသော “ဝန်ကြီးချုပ်” အဖြစ် ခေါ်ဝေါ်သုံးစွဲလာခဲ့သည်။ မင်းအောင်လှိုင်သည် မြန်မာ အတွက် မည်သို့မျှ ဖြစ်လာနိုင်ဖွယ် မရှိသည့် အာကာသ နည်းပညာ ဖွံ့ဖြိုးရေး ကိုပါ ရုရှား နှင့် ဆွေးနွေးခဲ့ပြန်သည်။

စစ်အာဏာသိမ်းပြီးချိန်မှစ၍ မင်းအောင်လှိုင် နှင့် အဖွဲ့သည် မိတ်ဆွေနိုင်ငံ ရရှိအောင် အတော် ခက်ခက်ခဲခဲ ရှာဖွေနေရသည်။ တရုတ်ပင် ၎င်းတို့ အဖွဲ့အား ဖာသိဖာသာ လုပ်နေခဲ့ကာ မင်းအောင်လှိုင်သည် အာဏာသိမ်းပြီး နောက်ပိုင်း တရုတ်သို့ ရောက်ရှိဖို့ဝေးစွ၊ တရုတ်ထိပ်တန်း ခေါင်းဆောင် တဦးတလေမျှနှင့် ပင် တွေ့ဆုံခွင့် မရ ခဲ့သည်မှာ ထိုသို့ ဖာသိဖာသာ လုပ်မှုကို ဖွင့်ဟကြနေသကဲ့သို့ပင် ရှိသည်။ ဝမ်ယီသည် ပုဂံသို့ အစည်း အဝေး တက်ရန် ရောက်လာပြီး မင်းအောင်လှိုင် နှင့် မတွေ့ဘဲ ပြန်သွားခဲ့ခြင်း အတွက်လည်း အရှက်ရစရာ ဖြစ်လာ ခဲ့သည်။

စစ်အာဏာသိမ်း ဗိုလ်ချုပ်များသည် နယ်စပ်ဒေသရှိ တိုင်းရင်းသား လက်နက်ကိုင်များအား တရုတ်မှ ထောက်ခံမှု ပေးနေသည် ဆိုကာ စိတ်ထဲက မကျေမနပ် ဖြစ်လျှက်ရှိနေကြသည်။ ထိုအနေအထား ကြောင့် ကြားမှ အမြတ် ထွက်လာခဲ့သူမှာ ရုရှားပင် ဖြစ်သည်။ ရုရှားသည် ရေနံ နှင့် စစ်လက်နက် ပစ္စည်းများ အတွက် ဖေါက်သည်တဦး အခိုင်အမာ ရရှိသွားခဲ့သည်။ သို့သော် ရုရှားတွင် အ‌နောက်တိုင်း၏ ပိတ်ဆို့မှုများကြောင့် ၎င်းတို့ လိုအပ်နေသော စစ်လက်နက်များ လိုသလောက် ထောက်ပံ့ပေးနိုင်ခြင်းရှိ မရှိက မေးခွန်းထုတ်စရာ ဖြစ်လာရသည်။

အမေရိကန် ဒေါ်လာ နယ်ပယ်မှ ရုန်းထွက်နိုင်ရန် ရူဘဲလ်ငွေ အသုံးပြုရန် အထိ ရုရှားကို မှီခိုလာရသည်။ လောင်စာဆီကို ရူဘဲလ်နှင့် ပေးချေမည်ဟု မင်းအောင်လှိုင် မှ ကတိပေးခဲ့ပြန်သည်။ ပြီးခဲ့သည့် လအတွင်း ရုရှားမှ ဆီတန်ချိန် ၃၀,၀၀၀ ရောက်ရှိမည်ဟု ဇော်မင်းထွန်းက ပြောခဲ့သော်လည်း ယခုထိ ဘာသတင်းမှ မကြားရသေးပေ။ ရုရှားမှ ဓါတ်မြေဩဇာများ အား ကုန်ချင်းဖလှယ်သည့် စနစ်ဖြင့် တင်သွင်းသွားမည် ဖြစ် ကြောင်းလည်း ဆိုသည်။

ရုရှားသည် ကမ္ဘာဘဏ္ဍာရေး စနစ်မှ ဖြတ်တောက်ခံထားရ၍ ၎င်းတို့ ငွေ အား လက်ခံမည့် နိုင်ငံများကို ရှာဖွေ နေရချိန် လည်း ဖြစ်သည်။

ဇော်မင်းထွန်းကပင် အရှေ့တောင် အာရှ နိုင်ငံများ ကြားတွင် ရုရှားသည် မြန်မာအား ယုံကြည်စိတ်ချရဆုံး နိုင်ငံ အဖြစ် ရှု မြင်နေပြီ ဖြစ်သည်ဟုလည်း ဂုဏ်ယူဝင့်ကြွားစွာ ပြောဆိုသွားခဲ့ပြန်သည်။

စစ်အာဏာသိမ်း အဖွဲ့သည် ရုရှားအားကိုးဖြင့် ပြည်တွင်း တွင် ထင်သလို လုပ်ခွင့်ရနေပြီဟု ရဲတင်းလာနေပြီး မည်သည့် အဖွဲ့အစည်း၊ နိုင်ငံကိုမျှ သံတမန်ရေး အရ ဂရုစိုက်စရာ မလိုတော့ဟု ယူဆလာကာ ပြည်တွင်းတွင် မီးကုန်ယမ်းကုန် ရက်စက်ကြမ်းကြုပ်စွာ သတ်ဖြတ်နေပြီ ဖြစ်သည်။

ပြည်သူတို့၏ ခုခံ တွန်းလှန်စစ် မုချအောင်ရမည်!!!

Hla Soewai

Unicode

ကချင်ပြည်နယ်တွင် လေကြောင်းမှ ဗုံးကြဲတိုက်ခိုက်ခဲ့မှုကြောင့် လူ ၈၀ နီးပါး သေဆုံးခဲ့ရမှုကို ကုလ အထူး သံတမန် နိုလင်း‌ဟေဇာ မှ ကုလ သမဂ္ဂ အထွေထွေ ညီလာခံ၏ လူ့အခွင့်အရေး ကော်မတီ ရှေ့မှောက်တွင် ရှုတ်ချ ပြောဆိုလိုက်ပြီး မြန်မာပြည်၏ လူ့အခွင့်အရေး နှင့် လူထုရင်ဆိုင်နေရသော အကျပ်အတည်းမှာ နက်ရှိုင်းသည်ထက် နက်ရှိုင်းလာနေပြီဖြစ်ကြောင်း အသိပေးခဲ့သည်။

နိုင်ငံတွင်းရှိ လူဦးရေ လေးပုံတပုံခန့် ရှိသော ပြည်သူ ၁၃.၂ သန်းသည် လုံလောက်သော အစာအဟာရ ချို့တဲ့မှုနှင့် ရင်ဆိုင်နေရသည့်အပြင် လူ ၁.၃ သန်းသည် အိုးအိမ်များ စွန့်ခွာ ထွက်ပြေးနေကြရသည်ဟု ဆိုသည်။ စစ်တပ်က ထင်သလို ဗုံးကြဲတိုက်ခိုက်မှုကိုလည်း ခံနေကြရပြီး အိမ်များ မီးရှို့၊ အရပ်သားများကို သတ်ဖြတ်မှုများ ဆက် လက် ကျူးလွန်နေသည်ဟုလည်း ပြောဆိုသွားခဲ့သည်။

မြန်မာပြည်သူတွေက စစ်တပ်အုပ်ချုပ်မှုကို လက်မခံတော့ကြောင်း ကုလအထူးကိုယ်စားလှယ် ပြော
ထို့အတွက် စစ်အုပ်ချုပ်ရေးကို မြန်မာပြည်သူများ မည်သို့မျှ လက်မခံနိုင်တော့သည့် နိုင်ငံရေး ပုံစံ သစ် တခုဆီ သို့ ကူးပြောင်းသွားပြီး ဖြစ်သည်ဟု အသိပေးသွားခဲ့သည်။

အာဆီယံ ဥက္ကဌ အဖြစ် တာဝန်ယူထားရဆဲ ဖြစ်သော ကမ္ဘောဒီယားမှ ဖားကန့်ဒေသအား ဗုံးကြဲတိုက်ခိုက်မှုကို ရည်ညွှန်းပြီး ထိုကဲ့သို့ အဖြစ်အပျက်များ နှင့် အတူ မြန်မာပြည်သူများ ကြီးစွာသော ဒုက္ခများ ဆက်လက် ခံစား နေရမှု အပေါ် လွန်စွာ စိတ်မကောင်း ဖြစ်ရကြောင်း ကြေညာချက် ထုတ်ပြန်လာခဲ့သည်။

မြန်မာပြည်ဆိုင်ရာ အရပ်ဖက် လူ့အဖွဲ့အစည်း ၄၅၇ ဖွဲ့မှ အာဆီယံ၏ မူ ငါးချက် ကို ဖျက်သိမ်းရန် အာဆီယံ ခေါင်းဆောင်များထံ အိတ်ဖွင့်ပေးစာ ပေးပို့ခဲ့သည်။

နိုင်ငံတကာ လူ့အခွင့်အရေး အဖွဲ့များကလည်း ဖားကန့်ဒေသအား ဗုံးကြဲတိုက်ခိုက်မှုသည် လူသားများအပေါ် ကျူးလွန်သည့် ရာဇဝတ်မှု မြောက်ပြီး နိုင်ငံတကာ ရာဇဝတ်မှုများ ဆိုင်ရာ တရားရုံး အိုင်စီစီသို့ အလျှင်အမြန် လွှဲပြောင်းပေးရန် ဝိုင်းဝန်း တောင်းဆိုခဲ့ကြသည်။

နယူးယောက်ရှိ လူ့အခွင့်အရေး လေ့လာ စောင့်ကြည့်ရေး အဖွဲ့ မှ မန်နီမောင်က ကုလလုံခြုံရေး ကောင်စီ အနေဖြင့် ယခုထက် ပို၍ အရေးယူပေးရန် တောင်းဆိုခဲ့ပြန်သည်။

သို့သော် မြန်မာသည် ကုလ တွင် ရုရှား တို့၏ အကာအကွယ်ရရန် လွန်စွာ ဈေးကြီးပေး၍ ရယူထားရသည် ဟု နယူးယောက်တိုင်း သတင်းစာက ဆောင်းပါးရှည်ကြီး ဖြင့် ရေးသားထားမှုကို ကောက်နှုတ်တင်ပြ သွားပါမည်။

မြန်မာဖက်မှ လောင်စာဆီများ၊ စစ်လက်နက် ပစ္စည်းများကို ရုရှားထံမှ အခကြေးငွေ များစွာပေး၍ ဝယ်ယူ နေရပြီး ရုရှား တို့ အတွက်လည်း လိုအပ်သော စစ်စရိတ်များ အတွက် တဖက်တလမ်းမှ ဝင်ငွေ ရရှိနေသည့် Unequal Partnership ပုံစံ ပူးပေါင်းနေရကြောင်း ရေးသားခဲ့သည်။

မင်းအောင်လှိုင် နှင့် ပူတင်သည် ဝါဒရေးရာအရ ဒီမိုကရေစီ ကို ဆန့်ကျင်ရာတွင် ပူးပေါင်းမိကြပြီး ယူကရိန်း အား ကျူးကျော်ခဲ့မှု အပေါ် “ရုရှားသည် ၎င်း၏ အချုပ်အခြာ အာဏာကို ထိန်းသိမ်းနိုင်ရန် လုပ်သင့်သည်ကို လုပ်သွား ခြင်း” ဖြစ်သည်ဟု ချက်ချင်းလို ထောက်ခံခဲ့သည်။ (ထိုသို့ပြောကြားခဲ့မှုကို အနောက်နိုင်ငံများက မည်သို့မျှ မေ့နိုင်ကြမည် မဟုတ်ပေ)

ထို့နောက်ပိုင်း တိုတောင်းသော ကာလအတွင်း ရုရှားသို့ မင်းအောင်လှိုင်သည် သုံးကြိမ်မျှ သွားရောက်ခဲ့ပြီး နောက်ဆုံးအကြိမ်တွင် သူမျှော်လင့်တောင့်တနေသော ပူတင်နှင့် တွေ့ခွင့်ရခဲ့သဖြင့် သံတမန်ရေးအရ အကြီးမားဆုံး အောင်ပန်း ဆင်နိုင်ခဲ့သည်။

ပူတင်အား “ရုရှားသည် အဆွေတော်၏ ဦးဆောင်မှု အောက်တွင် ထိပ်တန်း နိုင်ငံကြီး အဖြစ် ရောက်ရှိခဲ့ကြောင်း၊ ကမ္ဘာရေးရာများကို လည်း အဆွေတော်သည် သမာသမတ်ကျစွာ နှင့် မှန်ကန်စွာ ကိုင်တွယ်နိုင်ခဲ့ကြောင်း” များ ကိုထုတ်ဖေါ် ချီးကျူးခဲ့ပြန်သည်။

ထို့အတွက် မင်းအောင်လှိုင်သည် သူလိုချင်နေသည့် ရုရှား ရေနံ နှင့် နျူကလီးယားစွမ်းအင် ပူးပေါင်းရေး အပါ အဝင် ပူတင်၏ လေးစားမှုပါ ရရှိလာခဲ့သည်။ ကရင်မလင်မှ မင်းအောင်လှိုင်အား အခြားမည်သည့် နိုင်ငံကမျှ အသိအမှတ် မပြုသော “ဝန်ကြီးချုပ်” အဖြစ် ခေါ်ဝေါ်သုံးစွဲလာခဲ့သည်။ မင်းအောင်လှိုင်သည် မြန်မာ အတွက် မည်သို့မျှ ဖြစ်လာနိုင်ဖွယ် မရှိသည့် အာကာသ နည်းပညာ ဖွံ့ဖြိုးရေး ကိုပါ ရုရှား နှင့် ဆွေးနွေးခဲ့ပြန်သည်။

စစ်အာဏာသိမ်းပြီးချိန်မှစ၍ မင်းအောင်လှိုင် နှင့် အဖွဲ့သည် မိတ်ဆွေနိုင်ငံ ရရှိအောင် အတော် ခက်ခက်ခဲခဲ ရှာဖွေနေရသည်။ တရုတ်ပင် ၎င်းတို့ အဖွဲ့အား ဖာသိဖာသာ လုပ်နေခဲ့ကာ မင်းအောင်လှိုင်သည် အာဏာသိမ်းပြီး နောက်ပိုင်း တရုတ်သို့ ရောက်ရှိဖို့ဝေးစွ၊ တရုတ်ထိပ်တန်း ခေါင်းဆောင် တဦးတလေမျှနှင့် ပင် တွေ့ဆုံခွင့် မရ ခဲ့သည်မှာ ထိုသို့ ဖာသိဖာသာ လုပ်မှုကို ဖွင့်ဟကြနေသကဲ့သို့ပင် ရှိသည်။ ဝမ်ယီသည် ပုဂံသို့ အစည်း အဝေး တက်ရန် ရောက်လာပြီး မင်းအောင်လှိုင် နှင့် မတွေ့ဘဲ ပြန်သွားခဲ့ခြင်း အတွက်လည်း အရှက်ရစရာ ဖြစ်လာ ခဲ့သည်။

စစ်အာဏာသိမ်း ဗိုလ်ချုပ်များသည် နယ်စပ်ဒေသရှိ တိုင်းရင်းသား လက်နက်ကိုင်များအား တရုတ်မှ ထောက်ခံမှု ပေးနေသည် ဆိုကာ စိတ်ထဲက မကျေမနပ် ဖြစ်လျှက်ရှိနေကြသည်။ ထိုအနေအထား ကြောင့် ကြားမှ အမြတ် ထွက်လာခဲ့သူမှာ ရုရှားပင် ဖြစ်သည်။ ရုရှားသည် ရေနံ နှင့် စစ်လက်နက် ပစ္စည်းများ အတွက် ဖေါက်သည်တဦး အခိုင်အမာ ရရှိသွားခဲ့သည်။ သို့သော် ရုရှားတွင် အ‌နောက်တိုင်း၏ ပိတ်ဆို့မှုများကြောင့် ၎င်းတို့ လိုအပ်နေသော စစ်လက်နက်များ လိုသလောက် ထောက်ပံ့ပေးနိုင်ခြင်းရှိ မရှိက မေးခွန်းထုတ်စရာ ဖြစ်လာရသည်။

အမေရိကန် ဒေါ်လာ နယ်ပယ်မှ ရုန်းထွက်နိုင်ရန် ရူဘဲလ်ငွေ အသုံးပြုရန် အထိ ရုရှားကို မှီခိုလာရသည်။ လောင်စာဆီကို ရူဘဲလ်နှင့် ပေးချေမည်ဟု မင်းအောင်လှိုင် မှ ကတိပေးခဲ့ပြန်သည်။ ပြီးခဲ့သည့် လအတွင်း ရုရှားမှ ဆီတန်ချိန် ၃၀,၀၀၀ ရောက်ရှိမည်ဟု ဇော်မင်းထွန်းက ပြောခဲ့သော်လည်း ယခုထိ ဘာသတင်းမှ မကြားရသေးပေ။ ရုရှားမှ ဓါတ်မြေဩဇာများ အား ကုန်ချင်းဖလှယ်သည့် စနစ်ဖြင့် တင်သွင်းသွားမည် ဖြစ် ကြောင်းလည်း ဆိုသည်။

ရုရှားသည် ကမ္ဘာဘဏ္ဍာရေး စနစ်မှ ဖြတ်တောက်ခံထားရ၍ ၎င်းတို့ ငွေ အား လက်ခံမည့် နိုင်ငံများကို ရှာဖွေ နေရချိန် လည်း ဖြစ်သည်။

ဇော်မင်းထွန်းကပင် အရှေ့တောင် အာရှ နိုင်ငံများ ကြားတွင် ရုရှားသည် မြန်မာအား ယုံကြည်စိတ်ချရဆုံး နိုင်ငံ အဖြစ် ရှု မြင်နေပြီ ဖြစ်သည်ဟုလည်း ဂုဏ်ယူဝင့်ကြွားစွာ ပြောဆိုသွားခဲ့ပြန်သည်။

စစ်အာဏာသိမ်း အဖွဲ့သည် ရုရှားအားကိုးဖြင့် ပြည်တွင်း တွင် ထင်သလို လုပ်ခွင့်ရနေပြီဟု ရဲတင်းလာနေပြီး မည်သည့် အဖွဲ့အစည်း၊ နိုင်ငံကိုမျှ သံတမန်ရေး အရ ဂရုစိုက်စရာ မလိုတော့ဟု ယူဆလာကာ ပြည်တွင်းတွင် မီးကုန်ယမ်းကုန် ရက်စက်ကြမ်းကြုပ်စွာ သတ်ဖြတ်နေပြီ ဖြစ်သည်။

ပြည်သူတို့၏ ခုခံ တွန်းလှန်စစ် မုချအောင်ရမည်!!!

Hla Soewai

Be the first to comment on "တန်းတူရည်တူ မဟုတ်သည့် ရုရှား-မြန်မာ ဆက်ဆံ‌ရေး"

Leave a comment

Your email address will not be published.


*