မြန်မာ ၁၁ ဦး ပါဝင်သည့် တောင်ကိုရီးယား ကုန်သင်္ဘောကို အီရန်ဖမ်းဆီး

အီရန္ႏိုင္ငံက ပါရွန္ပင္လယ္ေကြ႕ထဲမွာ ေတာင္ကိုရီးယား ဓာတုပစၥည္း ကုန္တင္ သေဘၤာတစ္စင္းကို မေန႔ကပဲ ဖမ္းဆီးလိုက္ပါ တယ္။ ေဆာ္ဒီအာေရဗ်ကေန အာရပ္ေစာ္ဘြားမ်ား ျပည္ေထာင္စုကို ဓာတုကုန္စည္ေတြ ပို႔ေနရင္ ဖမ္းဆီးခံခဲ့ရ တာျဖစ္ပါတယ္။

သေဘၤာေပၚမွာ သေဘၤာသား စုစုေပါင္း အေယာက္ ၂၀ ရွိေနတာျဖစ္ၿပီး ကိုရီးယားႏိုင္ငံသား ငါးေယာက္၊ ျမန္မာႏိုင္ငံသား ၁၁ ေယာက္၊ အင္ဒိုနီးရွားႏိုင္ငံသား ႏွစ္ေယာက္၊ ဗီယက္နမ္ ႏိုင္ငံသား ႏွစ္ေယာက္ ပါဝင္ပါတယ္။

အီရန္အစိုးရကေတာ့ ဒီ ဓာတု ကုန္တင္သဘၤာဟာ ပါရွန္ပင္လယ္ေကြ႕မွာ ဓာတုညစ္ညမ္းမႈကို ျဖစ္ေပၚေစၿပီး သဘာဝ ပတ္ဝန္းက်င္ကို ထိခိုက္ေစတာေၾကာင့္ အခုလို ဖမ္းဆီးရတာလို႔ဆိုပါတယ္။ အီရန္ႏိုင္ငံရဲ႕ အဆိုအရ ဓာတု ပစၥည္း အဆီ တန္ခ်ိန္ ၇၂၀၀ သယ္ေဆာင္လာတယ္လို႔ ဆိုပါတယ္။

ပင္လယ္ေကြ႕ ေဒသအတြင္း အီရန္နဲ႔ အေနာက္ႏိုင္ငံေတြ တင္းမာမႈ ျမင့္တက္ေနခ်ိန္မွာ အီရန္ဘက္က အခုလို ကုန္တင္ သေဘၤာတစ္စင္းကို ဖမ္းဆီးလိုက္တာလည္းျဖစ္ ပါတယ္။

ေတာင္ကိုရီးယား ႏိုင္ငံျခားေရး ဝန္ႀကီးဌာနက သေဘၤာကို ခ်က္ခ်င္းျပန္လႊတ္ေပးဖို႔ ေတာင္းဆိုထားၿပီး အစိုးရကလည္း ေဟာ္မုဇ္ ေရလက္ၾကားကို စစ္သေဘၤာေတြ ေစလႊတ္လိုက္ၿပီလို႔ ထုတ္ျပန္ေၾကညာထားပါတယ္။

———-

အီရန်နိုင်ငံက ပါရှန်ပင်လယ်ကွေ့ထဲမှာ တောင်ကိုရီးယား ဓာတုပစ္စည်း ကုန်တင် သင်္ဘောတစ်စင်းကို မနေ့ကပဲ ဖမ်းဆီးလိုက်ပါ တယ်။ ဆော်ဒီအာရေဗျကနေ အာရပ်စော်ဘွားများ ပြည်ထောင်စုကို ဓာတုကုန်စည်တွေ ပို့နေရင် ဖမ်းဆီးခံခဲ့ရ တာဖြစ်ပါတယ်။

သင်္ဘောပေါ်မှာ သင်္ဘောသား စုစုပေါင်း အယောက် ၂၀ ရှိနေတာဖြစ်ပြီး ကိုရီးယားနိုင်ငံသား ငါးယောက်၊ မြန်မာနိုင်ငံသား ၁၁ ယောက်၊ အင်ဒိုနီးရှားနိုင်ငံသား နှစ်ယောက်၊ ဗီယက်နမ် နိုင်ငံသား နှစ်ယောက် ပါဝင်ပါတယ်။

အီရန်အစိုးရကတော့ ဒီ ဓာတု ကုန်တင်သင်္ဘာဟာ ပါရှန်ပင်လယ်ကွေ့မှာ ဓာတုညစ်ညမ်းမှုကို ဖြစ်ပေါ်စေပြီး သဘာဝ ပတ်ဝန်းကျင်ကို ထိခိုက်စေတာကြောင့် အခုလို ဖမ်းဆီးရတာလို့ဆိုပါတယ်။ အီရန်နိုင်ငံရဲ့ အဆိုအရ ဓာတု ပစ္စည်း အဆီ တန်ချိန် ၇၂၀၀ သယ်ဆောင်လာတယ်လို့ ဆိုပါတယ်။

ပင်လယ်ကွေ့ ဒေသအတွင်း အီရန်နဲ့ အနောက်နိုင်ငံတွေ တင်းမာမှု မြင့်တက်နေချိန်မှာ အီရန်ဘက်က အခုလို ကုန်တင် သင်္ဘောတစ်စင်းကို ဖမ်းဆီးလိုက်တာလည်းဖြစ် ပါတယ်။

တောင်ကိုရီးယား နိုင်ငံခြားရေး ဝန်ကြီးဌာနက သင်္ဘောကို ချက်ချင်းပြန်လွှတ်ပေးဖို့ တောင်းဆိုထားပြီး အစိုးရကလည်း ဟော်မုဇ် ရေလက်ကြားကို စစ်သင်္ဘောတွေ စေလွှတ်လိုက်ပြီလို့ ထုတ်ပြန်ကြေညာထားပါတယ်။