တပ်ရင်းတစ်ရင်းစာ ရိက္ခာငွေ သိန်း (၆၀၀)ခန့် ထုတ်ယူပြီး တပ်ရင်းမှူးနဲ့ တပ်ရေးဗိုလ် ထွက်ပြေး

တပ်ရင်းတစ်ရင်းစာ ရိက္ခာငွေ သိန်း (၆၀၀)ခန့် ထုတ်ယူပြီး တပ်ရင်းမှူးနဲ့ တပ်ရေးဗိုလ် ထွက်ပြေး

ရှမ်းမြောက် နမ့်ခမ်းမြို့နယ် မန်တပ်ရွာမှာ တပ်စွဲထားတဲ့ စစ်ကောင်စီ တပ်ရင်း(၁၄၄)ရဲ့ တပ်ရင်းမှူး ဒုဗိုလ်မှူးကြီး ရာဇာမင်းနဲ့ တပ်ရေးဗိုလ် အောင်ဆန်းဦးတို့ ၂ ဦးဟာ ပြီးခဲ့တဲ့ ဧပြီလ ၂၀ ရက်က ၎င်းတို့တပ်ရင်း တစ်ရင်းစာ ရိက္ခာငွေကို ထုတ်ယူပြီး ထွက်ပြေးသွားတယ်လို့ ဒေသတွင်း သတင်းအရင်းအမြစ်ဆီက သိရပါတယ်။

“သူတို့ နှစ်ယောက်က CDM လုပ်တာလည်း မဟုတ်ဘူး။ သူတို့တပ်ရင်း တစ်လစာ ရိက္ခာကို ထုတ်ပြီးတော့ ထွက်ပြေးကြတယ်။ ဘယ်မှာ သွားခိုကြလဲတော့ မသိဘူး”

၎င်းတို့ ၂ ဦး ထုတ်ယူသွားတဲ့ တပ်ရင်းအတွက် တစ်လစာရိက္ခာမှာ သိန်း (၆၀၀)ဝန်းကျင် ရှိတယ်လို့ သိရပါတယ်။

အရပ်သားပြည်သူတွေကို ဖမ်းဆီးနှိ ပ်စက်သ တ်ဖြ တ်တဲ့ စစ်ကောင်စီတပ်ရဲ့ တပ်တွင်းမှာလည်း အဆင့်ဆင့် ခွဲခြားဆက်ဆံမှုရှိပြီး မခံနိုင်တဲ့ အရာရှိအရာခံ တပ်သားတွေဟာ မကြာခဏ ထွက်ပြေးပြီးတော့ အချို့က CDM ပြုလုပ်ပြီး စစ်အာဏာရှင် ဆန့်ကျင်တဲ့လှုပ်ရှားမှုမှာ ပါဝင်နေကြပါတယ်။

ပြီးခဲ့တဲ့ ဧပြီလ ၄ ရက်မှာလည်း ရှမ်းမြောက် တအာင်း(ပလောင်)ဒေသ နမ့်ဆန်မြို့နယ် နမ့်ခေးရွာ တပ်စခန်းကုန်းရှိ စစ်ကောင်စီတပ်ရင်း(၂၅၂)မှ တပ်သား ၄ ဦး ထွက်ပြေးလွတ်မြောက်ပြီး လုံခြုံတဲ့နေရာမှာ ရှိနေကြပါတယ်။

ပုံ- ၂၀၂၁ ခုနှစ် ကွတ်ခိုင်မြို့ လူထုလှုပ်ရှားမှုမှာ တွေ့ရတဲ့ စစ်ကောင်စီတပ်
Source – ရွှေဖီမြေ၊ မေလ ၁၀ ရက်၊ နမ့်ခမ်း

Be the first to comment on "တပ်ရင်းတစ်ရင်းစာ ရိက္ခာငွေ သိန်း (၆၀၀)ခန့် ထုတ်ယူပြီး တပ်ရင်းမှူးနဲ့ တပ်ရေးဗိုလ် ထွက်ပြေး"

Leave a comment

Your email address will not be published.


*