ရက်ပေါင်း ၉၀ ဆက်တိုက်ပျံနိုင်တဲ့အမေရိကန်ရေတပ်လေယာဉ်ကြောင့် မျက်ခုံးလှုပ်နေကြပြီ

လေယာဉ်တောင်ပံတွေမှာ ဆိုလာပြားတွေတပ်ဆင်ပြီး ရက်ပေါင်း ၉၀ ကြာ လေထဲမှာ ဆက်တိုက်ပျံသန်းနိုင်မယ့် နေရောင်ခြည်စွမ်းအင်သုံး မောင်းသူမဲ့ လေယာဉ်စနစ်တစ်မျိုးကို အမေရိကန်ရေတပ်က တီထွင်နေပါတယ်။

အဆိုပါလေယာဉ်ကို Skydweller လို့အမည်ပေးထားပြီး အမေရိကန်-စပိန် ဖက်စပ်ကုမ္ပဏီတစ်ခုဖြစ်တဲ့ Skydweller Aero ကနေ တည်ဆောက်နေခြင်း လည်းဖြစ်ပါတယ်။

ရည်ရွယ်ချက်ကတော့ ပင်လယ်ပြင်ကိုစောင့်ကြည့်ဖို့၊ သင်္ဘောတွေကို လအတန်ကြာ စောင့်ရှောက်ဖို့နဲ့ ဆက်သွယ်မှုစနစ်အတွက် ကြားခံအဖြစ် အသုံးပြုလိုတာကြောင့်လို့ဆိုပါတယ်။

ဒီလိုလေယာဉ်ထုတ်လုပ်ဖို့အတွက် အမေရိကန်နဲ့ အမေရိကန်ဒေါ်လာ ၅ သန်း တန်ကြေးရှိတဲ့ စာချုပ်ကို ချုပ်ဆို ထားတာပါ။

ဆိုလာစွမ်းအင်သုံးလေယာဉ်ကို ဆော့ဖ်ဝဲလ်အသစ်နဲ့ ဟက်ဒ်ဝဲလ်အသစ်တွေ ပေါင်းစပ်ပြီး ၂၀၁၅-၁၆ ခုနှစ်ခန့်တုန်းက လူနဲ့အတူ ကမ္ဘာတပတ်လိုက်ပါ ပျံသန်းခဲ့ကြပါတယ်။

Solar Impulse 2 လို့အမည်ပေးထားပြီး ပျံသန်းမှုကိုတော့ ၅ ရက်တစ်ကြိမ်အနားပေးရပါတယ်။

ယခုစနစ်မှာတော့ လေယာဉ်မှူးခုံနေရာတွေဖယ်ရှားထားပြီး ဆိုလာစနစ်တွေ အပြည့်တပ်ဆင်ထားတာကြောင့် တာဝေးနဲ့အချိန်ပိုမိုကြာကြာ ပျံသန်းနိုင်ပါတယ်။

တောင်ပံအလျား ၂၃၆ ပေ၊ ဆိုလာပြားဖုံးအုပ် ဧရိယာ စတုရန်းပေ ၂၉၀၀ ရှိပြီး ၂ ကီလိုဝပ်ရှိတဲ့ စွမ်းအင်ကိုထုတ်ပေးနိုင်ပါတယ်။

အမြင့်ဆုံးမြန်နှုန်း ၁၀၀ နော့ခ်နဲ့ အမြင့်ဆုံးအမြင့်ပေ ၄၅၉၃၁ ပေအထိ ပျံတက်နိုင်ပြီး အလေးချိန် ၃၆၀ ကီလိုဂရမ်ကိုသယ်ဆောင်နိုင်တယ်လို့လည်းသိရှိရပါတယ်။

Be the first to comment on "ရက်ပေါင်း ၉၀ ဆက်တိုက်ပျံနိုင်တဲ့အမေရိကန်ရေတပ်လေယာဉ်ကြောင့် မျက်ခုံးလှုပ်နေကြပြီ"

Leave a comment

Your email address will not be published.


*