တရုတ်က အိန္ဒိယဘက်ကတည်ပြီး အမြောက်စနစ်သစ်တွေထုတ်စမ်းပြ

People’s Liberation Army (PLA) Xinjiang Military Command နဲ့ Tibet Military Command တို့ ပူးပေါင်းပြီး ဗုဒ္ဓဟူးနေ့က ကုန်းပြင်မြင့်မှာ စစ်ရေး လေ့ကျင့်မှုအချို့ပြုလုပ်ခဲ့ပါတယ်။

အဆိုပါလက်နက်စနစ်တွေဟာ အမြောက်စနစ်တွေဖြစ်ပြီး ကုန်းပြင်မြင့်ဒေ သတိုက်ပွဲအတွက် ထိရောက်မှုရှိတယ်လို့ဆိုပါတယ်။ အဆိုပါကုန်းပြင်မြင့်ဟာ အမြင့်ပေ ၅၀၀၀ အထက်ရှိပြီး နှင်းကျလေ့လည်းရှိပါတယ်။

လေ့ကျင်ပစ်ခတ်ခဲ့တဲ့ အမြောက်လက်နက်စနစ်က PLZ-07 122-millimeter-caliber self-propelled howitzer အမျိုးအစားဖြစ်တယ်လို့ ရှန်ဟိုင်းအခြေ စိုက်သတင်းဌာနတစ်ခုက ဖော်ပြခဲ့ပါတယ်။

၎င်းအမြောက်စနစ်ဟာ တရုတ်ရဲ့ စွမ်းအားအပြင်းဆုံး ဟောင်ဝဇ္ဇာစနစ်ဖြစ်ပြီး အထူးတည်ဆောက်ထားတာဖြစ်တယ်လို့သိရှိရပါတယ်။
PHL-11 self-propelled multiple rocket launcher system နဲ့ဆင်တူမှုရှိပြီး စနစ်နှစ်ခုစလုံးဟာ ယာဉ်တင်ဖြစ်ကာ 122-millimeter-caliber rocket စနစ်တွေကို ထည့်ပစ်လို့ရပါတယ်။

အမြောက်စနစ်အသစ်က ပစ်ခတ်မှုပြောင်း အရေအတွက် ၂၀ ရှိပြီး ၄ ဘီးယက်ယာဉ်စနစ်အပေါ်မှာ အခြေခံတည်ဆောက်ထားခြင်းဖြစ်ကာ PHL-1 စနစ်ကတော့ ၆ ဘီးယက်စနစ်အပေါ်မှာ တပ်ဆင်ထားတာဖြစ်ပြီး ပစ်လွှတ်ပေါက် ၅၀ ပါရှိပါတယ်။

ကုန်းပြင်မြင့်ဒေသမှာ လက်နက်စနစ်တွေဟာ အောက်ဆီဂျင်နည်းပါးတာ ကြောင့် ထိရောက်မှုမရှိပါဘူး။ သို့သော်လည်း လက်နက်ကြီးစနစ်တွေက အခြားနေရာတွေထက် အဆိုပါနေရာတွေမှာ ပိုမိုစွမ်းဆောင်နိုင်ပါတယ်။

တရုတ်ကြည်းတပ်ဟာ PCL-181 155-millimeter caliber self-propelled howitzer နဲ့ PHL-03 long-range multiple rocket launcher system စနစ်တွေကို ကုန်းပြင်မြင့်ဒေသမှာ ဆက်လက်အသုံးပြုလျက်ရှိတယ်လို့ သိရှိရပါတယ်။